Ginpahayag it Department of Agriculture (DA) Region 6 nga daywa ka probinsiya sa bioeg nga Western Visayas ro ginakueang sa suplay it bugas.
Base sa kumpirmasyon ni Agriculture Region VI director Remelyn Recoter, 137% sufficient ro rice supply sa bieog nga Region 6 pero uwa segun nakaabot sa 100% ro rice sufficiency it Aklan ag Negros Occidental.
Sa minatuod, nagaabot eamang sa 90% nga sufficient ro Aklan ag 88% man ro Negros Occidental.
Sa makara, nagapanguna ro probinsiya it Iloilo nga may pinakamataas nga rice supply sa Western Visayas nga nagaabot sa 197%, nagapangaywa ro Antique nga may 194%, Capiz nga may 192%, ag Guimaras nga may 145%./JIL B. LACSON
