Uwa it nabaton nga mandu ro Armed Forces of the Philippines (AFP) ag Philippine National Police (PNP) halin sa Office of the President sa posible nga tigil-putukan sa Communist Party of the Philippines – Bagong Hukbong Bayan (CPP-NPA).
Matandaan nga ku nagtaliwan nga dag-on, uwa it deklarasyon ro gobyerno it ceasefire kuntra sa mga rebelde nga grupo. Kasunod dikara, nagpahayag man ro CPP-NPA nga indi man sanda interesado sa tigil-putukan.
Base kay Police Colonel Gilbert Gorero, naka-alerto ro andang mga personnel sa tanan nga oras sa posibilidad nga maglunsar ro mga rebelde it mga pag-atake kuntra sa pulisya ag militar.
Ginsigurado man nana nga nakaalerto ro mga tropa it gobyerno sa bieog nga Western Visayas./JIL B. LACSON
