GI-REACTIVATE sa LGU ug General Santos City Police Office (GSCPO) ang “Purok Laban sa Krimen” program, dungan sa serye sa kamatay.
Matud ni Police Col. Nicomedes Olaivar Jr., director sa GSCPO naa sa 200 ka opisyal sa barangay ug concerned citizens ang gipailawom nila sa orientation.
Naglaom si Olaivar Jr nga ang advocacy drive kauban ang local stakeholders ang makatabang sa pagpabilin sa peace and order.
Luyo niini, giangkon ni Olaivar Jr. nga dili nila kayang bantayan ang tibuok siyudad tungod sa ilang gamay nga ihap tandi sa populasyon.
Hinungdan nga awhag niini sa opisyal sa barangay nga motabang kanila. Una nang, gibutyag ni Dr. Mario Aguja, professor sa Mindanao State of University (MSU) GenSan nga nakita niya ang kakulangon sa seguridad sa siyudad hinungdan nga angayang magtabangay ang LGU ug PNP. Kahibaloan nga misaka na sa 26 ang insidente sa pagpatay sa GenSan base sa ulahing datus sa GSCPO.
Labing ulahing gipatay mao ang kanhi mediaman ug anti-corruption crusader nga si Maning Malanio. I Richel Gubalani
