Uyon si Acting Cebu City Mayor Mike Rama sa hukom ni Presidente Duterte nga sa sud sa mga tambalanan na lang gamiton ang face shield ug di na kini irequire sa gawas.
Sigon sa pamahayag mayor, nga nakita niya sa katawhan karun nga wa na i-seryuso ang paggamit sa face shield gumikan kay daw sa gihimo na man lamang kining headband.
Kahinumduman nga una nang namahayag si Presidente Duterte nga mupadangat siya’g awhag sa Department of Health kon DOH mahitungod sa iyang baruganan sa di pagrequire og face shield sa gawas sa mga ospital.
Gidugang usab ni Rama, nga kun ugaling mahinayon ang maong plano, angayan gihapong tumanon sa mga tawo ang pagsul-ob og face mask ug sa uban pang mga health protocol.
