Niyanig ng magnitude 5.3 na lindol ang bayan ng Boliney sa lalawigan ng Abra kahapon ng hapon ayon sa Philippine Institute of Volcanology and Seismology o Phivolcs.
Naitala ng Phivolcs ang sentro ng lindol sa layong 5 kilometro sa hilagang silangan ng Boliney dakong 5:06 ng hapon kahapon.
Tectonic ang pinagmulan ng lindol at may 45 kilometrong lalim na posibleng magdulot ng pinsala at aftershocks.
Naramdaman din ang Intensity 4 sa Banayoyo, Ilocos Sur, Intensity 3 naman sa Baguio City at intensity 1 sa Pasuquin sa Ilocos Norte.
Ang pagyanig ay dulot ng paggalaw ng fault line malapit sa naturang lugar.//CA
