Pormal na nga ginlunsar sang Department of Education Schools Division of Capiz kag United States Agency for International Development (USAID) ang ABC+: Advancing Basic Education in the Philippines sa probinsya sang tinalikdan nga Setyembre 8 sa Hotel Veronica, Roxas City.
Ginhiwat diri ang ceremonial presentation kag pag-turnover sang Executive Order para sa Education Sector Mechanism (ESM) Process nga makabulig sa pag-improve kag pagpapag-on sa early grade learning sa probinsya.
Ang nasambit nga kahiwatan ang gintambungan nanday Governor Fredenil Castro, Dr. Thomas LeBlanc (USAID Philippines Director of Education), Board Member Thea Faith Reyes, Mayor Raymond Malapajo, Deputy Country Representative of The Asia Foundation Myn Garcia, Schools Division Superintendent Dr. Miguel Mac Aposin, System Strengthening Advisor Malcolm Garma, and Provincial Planning and Development Office Head Wilar Delos Santos.
