NAGA CITY – Dumagsa at nagkaroon ng mahabang pila sa ilang mga barangay hall sa Naga City kahapon, para makahingi ng indigency certificate na gagamitin sa pag-avail ng bagong cash assistance na ibibigay ng Department of Social Welfare and Development.
Ang mga sumugod sa barangay hall ay mga magulang at mga estudyante na hangad mabigyan ng suporta pinansiyal sa pag-aaral nila.
Isa sa nakaranas nito ay si Cararayan Punong Barangay Rodrigo Agravante Jr.
Sa kanyang pahayag sa Brigada News FM Naga, sinabi nitong nagulat siya dahil sa marami ang nagsadya sa kanyang opisina.
Ayon kay Agravante, wala siyang magawa kundi bigyan ang mga ito ng hinihingi nilang indigency certificate subalit naroon ang agam-agam niya na baka hindi ito totoo.
Wala kasing abiso sa kanya ang City Social Welfare and Development Office hinggil sa pagpa release ng naturang pondo kaya nagdalawang isip.
