Umabot na sa 26 ang patay habang marami ang sugatan sa forest fires na sumiklab sa northern Alegeria.
Kinumpirma ni Algeria Interior Minister Kamel Beldjoud na nasa 24 na ang bilang ng patay sa El Tarf malapit sa border ng Tunisia habang mag-ina naman ang nasawi sa Setif.
Patuloy naman ang pagsisikap ng mga bombero na suportado na ng mga helicopters para ma-contain ang mga insidente ng forest fires.
Sa kasalukuyan ay nasa 350 na mga residente na ang nailikas sa ilang mga kalapit na probinsiya.
Matatandaan na taon-taon tinatamaan ng forest fire ang Northern Algeria kung saan noong nakaraang taon ay sinasabing umabot sa 90 na tao ang nasawi sa insidente.
