Ginsapinal eun it Department of Budget and Management (DBM) ro pondo nga nagaabot sa P1.4 billion para sa pagpalawig it “Libre Sakay” program it gobyerno nasyunal.
Ro approval it pondo hay kasunod sa plano ni President Ferdinand ‘Bongbong’ Marcos Jr, nga i-extend ro programa it Department of Transportation (DOTr) ag Land Transportation Franchising and Regulatory Board (LTFRB) hasta sa katapusan it dag-on ngara.
Dugang nana ro nasambitan nga programa hay mabahoe nga bulig para sa mga commuters kapin eun sa mga trabahante ag mga estudyante.
Matandaan nga haeos pilang libo ka mga commuters man ro nakinabang sa libreng sakay it gobyerno sa kasagsagan it pandemic surge sa bieog nga Western Visayas partikular eun sa Aklan./JIL B. LACSON
