Sa mas ginpabaskog nga anti-insurgency drive it militar, may kabieogan nga 71 ka miyembro it New People’s Army (NPA) sa bieog nga Western Visayas ro “na-neutralize” sa suoed eamang it pito ka buean.
Base sa records it 3rd Infantry Division (3ID) it Philippine Army, may antabo nga 31 ka mga engkwentro.
19 ka mga rebelde ro napatay, walo ro nadakop, ag 44 man ro nagsurrender sa mga otoridad.
Nakarekober man ro army it kabioegan nga 51 high and low powered nga mga armas.
Base sa 3ID, pirme sanda nga naka-alerto kapin pa sa Negros Island kung siin pirme ro encounter it tropa it gobyermo kuntra sa militanteng grupo./JIL B. LACSON
