NAGA CITY- Inilaan ng Archdiocese ng Caceres sa Camarines Sur ang 2nd collection noong nagdaang linggo para sa mga pamilyang biktima ng magnitude 7 na lindol na yumaig sa Abra at mga karatig probinsya sa Northern Luzon.
Sa Naga Cathedral, inanunso na umabot sa P27,000.00 ang naipong donasyon.
Sa Peñafrancia Shrine umabot naman sa mahigit P12,000.00 ang nakolekta. Dalawang malaking simbahan pa lamang ito sa Naga City.
Hulyo 27 nang tumama ang lindol, na nagpabagsak sa mga bahay , mga makasaysayang mga gusali, paaralan, at nag-iwan ng hindi bababa sa lima ang binawian ng buhay.
