Sa presuhan ro bagsak it 41-anyos nga eaeaki nga ginkilaea nga si Christopher Eroy matapos segun nga nagsueod raya sa baeay ni Evangeline Eroy, 43-anyos ag nag-eubog sa idaeom it eugban it daywa ka menor de edad sa Barangay Damayan, Sapian, Capiz.
Base sa pahayag it Sapian Municipal Police Station, ginpukaw ni Evangeline ro anang manghod nga si Jimmy Depla Jr., 32-anyos, bangud may nakita raya nga tawo nga naga-eubog sa idaeom it eugban it anang 16-anyos nga unga nga babaye ag 17-anyos nga gumankon nga eaeaki.
Insigida man nga angtawag it pulis ro mga biktima ag gin-aresto ro suspek.
Nasayuran nga nagsueod sa sliding window it baeay si Eroy.
Sa presente, nakadetain sa Sapian PNP ro akusado ag nagahueat it kaso nga iapsaka kuntra kana./JIL B. LACSON
