Tiniyak ng Bureau of Fisheries and Aquatic Resources o BFAR Region 3 na sapat ang supply ng seafoods sa rehiyon.
Ayon kay BFAR Regional Director Willy Cruz, nasa 105 percent ang fish sufficiency sa buong Gitnang Luzon.
Halos malaking bahagi ng national production ng mga lamang dagat ay mula sa rehiyon.
Sa kasalukuyan, nananatili aniyang nangunguna ang Central Luzon sa tilapia production sa buong Pilipinas, pati na rin sa produksyon ng hipon, shellfish, talaba at tahong.
Pumapangalawa naman ang rehiyon sa alimango production habang pang-apat sa bangus.
Dahil dito wala anyang dapat alalahanin ang publiko sa supply ng mga isda at iba pang sea foods hanggang matapos ang taong kasalukuyan.
