Mas ginpabaskog pa it probinsiya it Aklan ro COVID-19 immunization drive bangud sa padayon nga pagtaas it mga kaso it ginatamaan kara.
Kasunod kara, ginlunsar it Aklan ro kampanya nga PinasLakas vaccination rollout, hin-aga Agosto 2, 2022 sa CityMall sa Kalibo, Aklan.
Ginkumbinse it Provincial Health Officer ro publiko nga suportahan ro kampanya agud malikawan ro matindi nga impeksyon ag mapanaba ro infection it publiko kuntra sa nasambitan nga virus.
Ro PinasLakas hay insiyatiba it Department of Health agud pabaskugon ro vaccination drive sa bioeg nga nasyun agud maangkon ro target nga numero it pagpabakuna para sa unang 100 adlaw it bag-ong administrasyon./JIL B. LACSON
