Ginpasiguro ni Regional Director Ma. Evelyn B. Macapobre it Department of Social Welfare and Development (DSWD Region 6), nga makauli eon sa andang lugar ro 16 nga workers nga gin-abandona it andang contractor iya sa andang barracks sa Brgy. Ugsod, Banga, Aklan.
Raya hay matapos maitao eon it DSWD ro bulig para kanda.
Posibleng sa adlaw it Martes hay makauli eon ro nasambit nga mga trabahador nga taga Bulacan ag Laguna.
Ro mga workers hay mga nagatrabaho sa ARRL Cable Installation Services nga gin abandona it andang contractor halin sa GEDN OSP Designs and Services matapos ro sang buean nga pagtrabaho. / ANN DESLENE SALAZAR
