Arestado it gintingob nga pwersa it Pototan PNP ag Philippine Drug Enforcement Agency 6 sanday Allien Jay Parreño, 38 anyos ag si Ryan Pilatan, 36 anyos nga nagabaligya it Ilegal nga droga.
Narekober sa posisyon it nasambit nga mga suspek ro 12 sachets it suspected shabu nga nagabalor it P68,000, drug paraphernalia ag buy-bust money.
Kulong eon ro mga suspek ag magapangatubang sa kasong pag eabag sa RA 9165 o Comprehensive Dangerous Drugs Act of 2002. / ANN DESLENE SALAZAR
