NAKAPASAKA na og kaso ang Lagao PNP batok sa duha ka empleyado sa gobyerno nga gikataho nga nagpabuto ug armas sa usaka dapit sa Barangay Lagao kaniadtong Hulyo 12 sa kasamtangan nga tuig.
Basi sa progress report sa present 3 pinitsahan Hulyo 20, 2022 sa hapon napasaka na sa City Prosecutors Office ang reklamo batok nilang PCpl Giecar Gilmore Paras ug Ssgt Tristan Hijastro Alac.
Ang kaso may kalabotan sa Illigal Discharge of Firearms ilawom sa Article 254 sa Revised Penal Code.
Adunay Docket Number nga 22A-01115 ug na-subscribe pinaagi ni Prosecutor Asuncion Uayan.
Kahibaluan nga sa unang report kanaidtong Hulyo 12 may impormasyon nga niabot sa Lagao PNP nga may tulo ka tawo nga nagpabuto sa Pearly Store nga nahimutang sa Lot 6, Pioneer Village, Lagao alas 8 sa gabei.
Girespondihan ug gi-imbestigahan sa Lagao PNP ug nigawas ang pangalan sa duha ka empleyado sa goberno ug ang usa ka civilian. I Ver Diazon
