Tinitingnan ng Department of Trade and Industry (DTI) ang posibilidad na pag-iisyu nila ng suggested retail price o SRP sa mga school supplies, ilang buwan bago muling magsimula ang pasukan.
Sa Laging Handa Public Briefing, ipinunto ni DTI Undersecretary Atty. Ruth Castelo na hindi kasama sa tinatawag na basic commodities ang mga school supplies kung kaya’t hindi nila ito nireregulate.
Gayunman, ikinokonsidera nila umano ang paglalabas ng bulletin para sa balik eskwela.
Mababatid na tanging sa basic commodities lamang kagaya ng bigas, canned goods, noodles at iba pa nagbibigay ng SRP ang DTI.
Sa ngayon ay hindi pa matiyak ng ahensya kung kailan sila muli maglalabas ng updated SRP bulletin para sa basic commodities.
