IPAIIMPLEMENTA sa Police Regional Office (PRO)-12 pinaagi sa liderato ni PBGen.Alexander Tagum, regional director ang 85-15 deployment scheme nga gipatuman ni kanhing PNP Chief Gen.Panfilo Lacson.
Ang maong lakang ang isip aksyon sa kamanduan ni PLT Gen. Vicente Danao Jr. ang OIC-PNP Chief ug DILG Secretaty Atty. Benjamin Abalos Jr.
Ubos sa maong deployment scheme, 85% sa police personnel ang i-deploy sa field alang sa focused police operations pinaagi sa pagpatrolya samtang ang nabiling pwersa sa kapulisan nga 15% ang anaa nag-duty sa headquarters aron mag-perform og administrative functions.
Sumala pa ni Gen.Tagum pinaagi sa pagpaimplementa sa maong scheme, ang PRO-12 makasiguro sa igong presensya sa kapulisan sa kadalanan aron mapugngan ang unsa mang krimen sa rehiyon.
“The PNP organization continues to adopt and develop various methods to ensure the delivery of effective and efficient public service that will give our people a safe and secured environment,” segun pa ni BGen. Tagum.
