Ibinigay ng Olongapo City Agriculture Office kaninang umaga sa organisasyon ng mga rabbit breeders sa lungsod ang mga alagaing rabbit.
Ito ay bahagi ng livelihood program para sa mga organisasyon sa pamamagitan ng suporta ng Department of Agriculture.
Ayon kay OIC City Agriculturist Francis Ela Maniago, sa edad na apat hanggang anim na buwan ay maari nang ibenta ang karne nito.
Ang rabbit meat umano ay nagsisilbing alternatibo sa iba pang karne at mas mababa ang fats nito.
Kaninang umaga ay nasa mahigit 300 piraso ng rabbit ang ibinigay sa limang organisasyon.
Paparamihin ito ng mga benipisyaryo at tutulong naman ang opisina para sa marketing.//Jen Bayot-BNFM OLONGAPO
