Patay ru father-in law matapos barilon it umagad bangud eamang sa paggabot it tanum nga hamtak sa Purok 2, Brgy. Monlaque, Ibajay, Aklan.
Nakilaea ru biktima nga si Orlando Flores, 70-anyos samtang ru umagad hay nakilaeang si Jury Batoy, 35-anyos, tanan mga residente it nasambit nga lugar.
Unang binaril it biktima ru anang umagad nga naka angkon it tama’t pagbaril sa baba rason nga bumaeos ru umagad ag binaril ru father in-law sa dughan dahilan it pagkamatay.
Nasayuran nga may naunang natabong settlement sa barangay ru daywa bago ru insidente apang sa pag-uli sa andang tagsa ka panimaeay, gin abangan it father-in law ru umagad ag barilon ru baba.
Apang bumaeos ru umagad rason nga binaril na man ru father in-law sa dughan resulta it pagkamatay.
Eagi man nga gin respondihan it Ibajay MPS ru insidente apang sa pag-abot sa lugar, nakit-an it mga kapulisan nga patay eon ru biktima.
Na recover sa crime scene ru sanduko ag homemade shotgun.
Samtang, eagi man nga na aresto ru umagad matapos maghimo it man hunt operation ru Ibajay MPS ag sa makaron hay naka hospital arrest.//MARIVIC Y. ILIN
