Kabilang si United States Second Gentleman Douglas Emhoff sa mga foreign dignitaries na dumalo sa inagurasyon ni President Ferdinand Marcos Jr.
Sa kanyang Tweet, sinabi niya na proud umano siyang irepresenta ang Biden-Harris Administration sa naturang oath taking ceremony.
Bukod sa pagdalo niya dito ay binisita din niya ang Manila American Cemetery upang magbigay pugay sa mga Amerikano at Pilipinong nagsakripisyo noong World War II.
Samantala, nakipagpulong si Emhoff kay Vice President Sara Duterte para pag-usapan ang patuloy na partnership ng parehong bansa kabilang na ang pagpapalakas ng edukasyon sa Pilipinas.
(ARGIE ERGINA)
