Nilagdaan na ang implementing rules and regulations (IRR) para sa Domestic Administrative Adoption and Alternative Child Care Law.
Ito’y matapos pirmahan ni President Rodrigo Duterte nitong Enero ang Republic Act 11642 kung saan ginawa ang National Authority for Child Care (NACC).
Pamumunuan ng Department of Social Welfare and Development (DSWD) ang NACC kung saan maaari din silang magpataw ng penalty kaugnay sa naturang bagong batas.
Samantala, sinabi ni DSWD Secretary Rolando Bautista na patuloy nilang susuportahan at gagawin ang mga polisiya na poprotekta sa kapakanan ng kabataan. (ARGIE ERGINA)
