Naka angkon it tama’t pagbuno sa naga kasari-saring parte it kaeawasan ru sangka pulis nga gin paukpan it kaakig ku sangka civilian sa Brgy. Man-up, Altavas, Aklan.
Nakilaea ru pulis nga si PSSGT Edmar Aranas , 34 anyos it Brgy Old Buswang, Kalibo nga naka assign sa Aklan Provincial Police Office (APPO).
Samtang, nakilaea ru suspek nga si Rex Perlas, 36 anyos it Brgy. Man-up, Altavas, Aklan.
Nasayuran nga bangud eamang sa hampangan it unga nga airgun, naeokpan ru siki it suspek rason nga nagwala ag gin paukpan ru pulis.
Binuno ru pulis it may kapin sa 7 besis sa parte it kaeawasan rason nga padayon pang gina bueong sa hospital.
Samtang, kulong man sa Altavas MPS ru suspek.
Sa makaorn, gin aproseso pa ru mga dokumento para sa pagpasaka it naga kaigo nga kaso.//MARIVIC Y. ILIN
