Kinumpirma ng Philippine National Police na magpapatupad ito ng gun ban sa Metro Manila at sa Davao City.
Ito ay bilang bahagi ng security preparations sa panunumpa ni President-elect Bongbong Marcos sa Naitonal Museum sa June 30; at panunumpa ni Vice-President-elect Sara Duterte sa Lungsod ng Davao sa June 19.
Sa pahayag, magkakaroon ng gun ban sa Davao City mula June 16 hanggang 21; habang June 27 hanggang July 2 naman sa NCR.
Bago ito, muling sinabi ni PNP spokesperson Corl. Jean Fajardo sa isang panayam na wala pa ring namo-monitor na seryosong banta ang kapulisan.
Sa kabila ng serye ng pambobomba sa Mindanao noong mga nakaraang linggo, sinabi ni Fajardo na mahigpit na ipatutupad ang seguridad sa San Pedro Square sa Davao City.
Aniya, tuluy ang isinasagawa nilang intelligence gathering para masigurong hindi na ito masusundan pa.
#
