GILANTAD na sa publiko ang bag-ong opisyal nga selyo sa siyudad sa Heneral Santos.
Pinaagi sa mga personahe sa City Economic Management and Cooperative Development Office kon CEMCDO ug mga empleyado sa LGU-Gensan.
Sulod sa 54 ka tuig gigamit sa siyudad ang karaang selyo nga nasayrang wala ma-aprobahi sa hingtungdang ahensya ug karon gisumite na ang bag-ong city seal sa National Historical Commission of the Philippines kung asa gi-aprubahan na kini sa Malacañang kaniadtong bulan sa Oktubre niaging tuig 2021.
Ang maong proyekto ang gipangunahan niMaria Cora Tito sa International and Domestic Relations Section ilawom sa CEMCDO nga gipangulohan sa labaw nga si Leonard Flores.
Ang bag-ong city seal ang simbolo sa pagka-competitiveness ug kalambuan sa siyudad. Ilawom sa City Ordinance No. 19 Series of 2019, an ordinance adopting the new official seal of the City of General Santos, mamahimo nang i-display ang bag-ong selyo sa siyudad sa tanang LGU offices. Pormal kining ilusad sa umaabot nga Hunyo 15 atol sa selebrasyon sa City Charter Anniversary sa Heneral Santos. I MJ Fernandez
