Hihilingin ni Senator-elect JV Ejercito sa susunod na administrasyon na suspendehin ang contribution hike ng PhilHealth sa gitna ng Covid-19 pandemic.
Ayon kay Ejercito na siya ring principal sponsor at author ng Universal Health Care (UHC) Law, irerekomenda niya na iurong ang naturang pagtaas hanggang maging maayos na ang health situation sa bansa.
Nauna ng inanunsyo ng PhilHealth na nasa 4% ang itataas sa monthly premium contribution ngayong taon.
Samantala, makikipagpulong ang Department of Health (DOH) sa susunod na kalihim ng ahensya para sa implementasyon ng UHC sa ilalim ng administrasyong Marcos. (ARGIE ERGINA)
