Namatay eon ru sangka motorsita nga aksidenting bumangga sa van kat gulping nag U–Turn sa karsadahon it Brgy. Union, Nabas, Aklan.
Sa report, namatay ru biktimang si Esmael Salaver, 53 anyos it Buena Suerte, Nabas samtang gina bueong sa hospital.
Samtang, kulong sa Nabas MPS ru driver nga si Ed Sabigan, 51 anyos ag residente it Brgy. Union, Nabas.
Kun matandaan, naka angkon it patal nga igo sa ueo ag naga kasari-saring parte it kaeawasan ru biktima dahilan it pagkamatay.
Parehong naga paadto konta ru van ag motorsiklo sa banwa it Kalibo ku nag taliwan nga adlaw.//MARIVIC Y. ILIN
