MOKABAT sa 10,000 ang natigom sulod sa kapin duha ka oras nga panawagan alang sa pagpalubong sa namatay nga PWD nga si Rosalie Salinas- 43-anyos PWD, purok San Roque, Brgy.West.
Ang bayaw ug inahan niini ang nanawagan og tabang nga gapanuktok sa kasing kasing sa mga katawhan, miyembro man o dili aron mabayran ug malubong ang ilang minatay.
Sulod sa halos tibuok kinabuhi sa namatay, nagahigda kini tungod sa meningitis ug misamot pa dihang kini ang nag-bedridden na.
Saysay pa sa inahan sa maong minatay nga dili nila kaya ang magpalubong mao nga nangayo og tabang sa katawhan.
Pareho usab ang panawagan ni Rhea Salinas, nga gatabang sila sa ilang ginikanan ug sa namatay pinaagi sa pagtinda og mani ug sobra sa kinitaan sa iyang bana.
Niadtong Marso usab namatayan ang pamilya Salinas ug niadtong Mayo 27 nasundan kang Rosalie mao nga sobra sila nga naglisod.
