LEGAZPI-Hawak na ng PNP ang kinukunsiderang rank 1 regional most wanted person sa rehiyong bicol dahil sa walong beses na kasong panghahalay o rape.
Ang suspek ay residente ng Brgy. Lidong, Sto Domingo, Albay, at pansamantalang naninirahan sa Brgy. Bagtas, Tanza, Cavite kung saan siya inaresto.
Ayon sa PNP, namataan ang suspek malapit sa isang botika, dahilan para itoy agad na arestuhin.
September 15, 2021 o nakaraang taon, bumaba ang warrant of arrest nito at umalis sa kanyang barangay kung kaya nagsimula na rin ikasa ang manhunt Charlie kontra sa suspek.
Walang nirekomendang pyansa ang otoridad sa nasabing kaso.
Sa ngayon, nasa pangangalaga na ng PNP ang suspek para sa kaukulang disposisyon.
