LEGAZPI CITY – Aabot sa 19 na myembro ng Pantawid Pamilyang Pilipino Program (4Ps) sa Bicol Region ang tinanggal sa unang Quarter ng taon 2022.
Ito ang inihayag ni Prescilla Saladaga, ang 4ps Regional Program Coordinator sa Brigada News Fm Legazpi.
Ayon kay Saladaga, ang mga tinanggal na myembro ay mga naglabag sa nasabing program.
Aniya, ilang myembro nito ang ginagamit ang kanilang cash card sa pangungutang o collateral.
Base sa kanilang pag iimbestiga, dalawang beses sila na binigyan nang pagkakataon ngunit muli nila itong ginawa sa ikatlong pagkakataon kung kayat tinanggal na ang mga ito sa 4ps.
Kung matatandaan, kasama sa panunumpa ng 4Ps na ipinagbabawal ng ahensya na magsangla ng cash card bilang protection ng mga 4ps benefeciaries upang hindi maging biktima ng loan shark o malaking interest sa pangungutang.
