Hiniling ni City Councilor Elgin Damasco sa Bureau of Immigration sa Palawan na imbestigahan ang insidente ng pananakit sa isang tricycle driver na taga-Puerto Princesa.
Ayon sa mambabatas, dapat umaksyon ang opisina dahil may mga ebidensya na nagdidiin na sinaktan ng Russian National na si Andrei Umanskii ang driver na si Jeff Amora noong May 24, 2022 sa Barangay San Pedro.
Dagdag pa niya na hindi na dapat pang madagdagan ang reklamo o may mabiktima pa ang dayuhan na natuklasan na may kinaharap na kasong direct assault sa El Nido.
Nais ni Councilor Damasco na silipin ng ahensya ang record ng banyaga bago ito ipa- deport dahil sa ginawa.
