MISAKA sa 17 ka insidente sa pagpamusil ang natala sa General Santos City gikan Enero hangtud Abril 25 ning kasamtangang tuig.
Sa datus sa City Police Office (GSCPO) sa kinatibuk-ang ihap napulo ang ‘cleared’ o nailhan na ang mihimo sa krimen. Samtang naa sa ka kaso sa gikonsiderang ‘solved’ samtang lima ang padayong giimbestigahan karon.
Ang Bula Police Station ang nakatala og lima ka insidente; upat sa San Isidro Police Station;tag tulo ka pagpamusil ang nahitabo sa lugar nga ginsakapon sa Makar ug Lagao samtang usa sa Fatima Police Station.
Kahibaloan nga nagmugna og Special Investigation Task Group (SITG) kalabut sa pagpatay kang Hyun Seong-hong nga usa ka Korean descent.
Gimandu ni PCOL. Gilberto Tuzon, director sa GSCPO sa mga sakop nga tutukan ang imbestigasyon sa nahitabong kamatay sa siyudad. Ulahing biktima sa pagpatay sa GenSan mao si Abdul Wahid, negosyante nagpuyo sa GenSanVille Subdivision, Barangay Bula. (Richel Gubalani)
