Ginapatuman it Department of Education (DepEd) Region 6, ro pagbawae it physical contact sa paghiwat it graduation ceremony sa school year 2021-2022.
Ro preventive measure ngara hay pagahimuon agud malikawan ro posible nga transmission it COVID-19 virus sa mga estudyante, mga ginikanan, manugturo ag mga bisita.
Ku Mayo 10, nagpaguwa ro DepEd it Memorandum Order No. 43, Series of 2022 nga nagataeana it mga sueondanan sa paghiwat it K to 12 Basic Education Program End-of-School-Year Rites halin Hunyo 27 hasta Hulyo 2.
Ro mga estudyante nga maga-intra sa graduation rites hay dapat man nga makapakita it written consent halin sa mga ginikanan agud makaintra sa kahiwatan.
Ro mga lugar man sa idaeom it Alert Levels 3, 4 ag 5, hay pagahiwaton ro andang graduation ceremony virtually./JIL B. LACSON
