LEGAZPI-Kinumpirmar kan Albay Power and Energy Corporation o APEC na naabot ninda an target na “no brownouts” sa aldaw kan eleksyon sa mga polling precinct sa Albay.
Segun sa APEC, naging marhay an suplay kan kuryente sa bilog na probinsya asin warang nairihistrong maski sarong power supply interruption.
Dakula su boot an naitabang kan mga darakulang kumpanya na iyo an RES asin High Voltage Consumers na nakisumaro sa APEC Manual Load Dropping Program na kun sain kusa ining dae naggamit nin kuryente sa ladaw kan pirilian.
