SORSOGON CITY – Natagpuan na lang ang mga bangkay ng apat na lalaki matapos na marinig ang isang malakas na pagsabog, hapon noong Huwebes sa Sitio Ipil, Brgy Buyo sa bayan ng Claveria, Masbate.
Kinilala ang mga labi ng biktima na sina Ryan Bonngot Maǹapao, 30-anyos, Eddie Lape Maloloy-on Jr, 20-anyos parehong naninirahan sa nasabing barangay.
Ang dalawa pang mga katawan ng biktima ay nakilalang sina
Jonathan Albao Lape, 41-anyos at Roque Yuson Mar Guazon, 19-anyos, parehong residente ng Sitio Ka-putol, Brgy Pasig ng nasabing bayan.
Ayon sa naantalang report mula sa Claveria Police, lumabas sa kanilang imbestigasyon na nasa proseso umano ang mga biktima ng paggawa ng dinamita dahil sa mga presensiya ng ammonium nitrate o ‘abono’ at mga blasting caps sa loob ng bahay ni Maloloy-on Jr.
Kung babalikan, noong Hunyo ng nakaraang taon, apat na katao ang nasawi kabilang ang Brgy Chairwoman at 7 indibidwal ang sugatan sa pagsabog din ng dinamita sa Brgy Pajo sa bayan ng Balud, Masbate.
