Ginkumpirma ni Comelec 6 Director Atty. Wilfred Jay Balisado nga sa “final leg” eun ro Commission on Elections para sa maabot nga eleksyon makarang Lunes.
Ro mga ballot boxes, mga VCMs, ag mga balota hay nakapahaom eun man.
Ginpahanumduman man nana ro mga botante nga padayon nga sundon ro mga ginapatuman nga mga minimum health protocols kapareho eun eamang it pagsuksok it face mask ag pag-obserba it physical distancing sa mga voting place.
Dugang pa dikara, indi eun required ro face shield ag vaccination card kung magboto./JIL B. LACSON
