Inirekumenda ng Department of Health sa mga nagbakasyon noong Holy Week, o ‘di kaya ay yung mga pumunta sa mga matataong lugar, na i-monitor ang kanilang mga sarili para sa mga sintomas ng COVID-19.
Sa isang panyam, sinabi ni Health Undersecretary Maria Rosario Vergeire na hanggat maaari ay magsuot pa ang mga ito ng face mask.
Paliwanag ng Health official, maiging i-monitor pa rin ang sarili sa loob ng isang linggo kung mayroon man itong made-develop na COVID-19 symptoms.
Ikinabahala nito ang over-crowded na mga tourist spots kung saan karamihan sa mga bakasyunista ay hindi na naka-facemask.
Aniya, posible raw itong maging daan para makapaghawa-hawa ng virus.
Muli rin namang iginiit ni Vergeire na dapat daw mapanagot ang ilang mga concerned agencies o LGUs sa Boracay matapos lumagpas ang carrying capacity nito.
#
