BORACAY ISLAND, MALAY — Naka rekord it zero crime incident ro bilog nga banwa it Malay sa bilog nga Lenten Season sa pihak it maabung foreign ag domestic tourists ro nagbakasyun sa isla it Boracay makarung dag-on.
Raya hay base sa report nga ginsumite sa APPO ni Malay Chief of Police, Police Lieutenant Colonel Don Dicksie De Dios.
Base sa records nga gintao ni Mr. Felix Delos Santos Jr., Aklan Chief Tourism Operations Officer, halin it Abril 1-17, nakalista it tourist arrival nga 100,945.
Ku rayang Abril 14 eamang hay nakalista it 12,266 nga mga turista ro nag abot sa isla.
Base sa Municipal Tourism Office Comparative Statistics it Boracay Holy Week Tourist Arrival, ku 2021 hay may una eamang nga 836 nga mga turista ro nag abot pero makarung 2022 hay nakalista it 44, 981 nga mga turista sa isla.
Bangud sa pag-maximize sa paggamit it mga patrol car, motorsiklo ag pagpabaskug it police visibility sa mga matawong lugar ag strategic areas sa isla, ro epektibo ag mayad nga police operations nga nagresulta sa zero crime incident. / ANN DESLENE SALAZAR
