Magiging flag bearer ang Filipino pole vaulter na si EJ Obiena sa tradisyunal na parade of nations sa May 12 opening ceremony ng 31st Southeast Asian Games sa My Dinh National Stadium sa Hanoi.
Si Obiena ay nominated kasama si weightlifter Hidilyn Diaz bilang flag bearers, pero pinapayagan lang ng SEAG organizers ang isang kinatawan para sa mga seremonya.
Ayon kay Philippine Olympic Committee president Abraham “Bambol” Tolentino, tulad ni Hidilyn, kwalipikado rin si EJ na maging flag bearer.
Samantala, pinasalamatan naman ni Obiena ang POC sa pagbibigay sa kanya ng karangalan para iwagayway ang bandila ng Pilipinas. //MHEL PACIA-TRINIDAD
