PASPAS nga proseso sa mga ayuda pang-medical ug uban pang kabag-ohan ang handum sa mga residente sa Purok Upper Acharon, Barangay Calumpang ug Purok Changco 2-B, Barangay Seguil, GenSan.
Matud ni Christy Bergante, inahan sa lima kaanak ug taga Purok Upper Acharon, kulang sa aksyon ang gobyerno sa siyudad.
“Naramdaman nako nga kulang ug dugay ang paghatag og serbisyo diri sa atoa tandi sa Davao City, didto walay kuti ug dali ang proseso, diri imagine, nangayo me og tabang dugay kaayo miabot unya kato ra diay among madawat, maong angayang mabag-o na ang pang-gobyerno,” asoy ni Bergante.
Sa bahin ni Emily Enosolanggo, 27- anyos, inahan ug taga Purok Changco 2-B, matinud-anon nga serbisyo publiko ang iyang paglaom.
“Gusto nako, kanang makatabang sa mga pobre kanang maghuna-huna sa mga sama namo nga manginahanglan,” dugang ni Enosolanggo.
Ang pamahayag sa duha, human nadungog ang pamulong sa mga miyembro sa pamilyang Achievement with Integrity Movement (AIM).
Human gidawat sa AIM sa pagpanguna ni Brigada Elmer Catulpos ang imbitasyon sa mga residente sa maong mga Purok.
