Nakikita na ng Pilipinas ang mga senyales ng pagshift mula sa pandemic tungo sa endemic state dahil sa gumagandang healthcare utilization rate at bumababang bilang ng COVID-19 infections.
Pero paliwanag ni Dr. Edsel Salvana, na ang transition sa endemic situation ay hindi naman ganun kabilis, dahil sasailalim ito sa gradual process.
Una nang sinabi ni Health Undersecretary Maria Rosario Vergeire na ang endemic ay kondisyon kung saan ang mga kaso ay stable, constant, at predictable.
Dahil umano dito, may balanse na sa pagitan ng level ng transmission at immunity.
