Mokabat sa 7 million pesos ang kantidad sa gilamoy nga kabtangan sa pamilyang Guevarra human nasunog ang tibook compound pasado ala una ang takna (Apr 20) sa utlanan sa Inawayan ug Binugao Toril, Davao City.
Nagsugod ang sunog sa dihang nisilaob ang kalayo sa giluto nga adobo ni Mrs Guevarra gamit ang LPG.
Nisamot pag ulbo ang kalayo sa dihang gisulayan ug pakgang ang sunog gamit ang tubig.Emotional si Mrs Guevarra nga sa usa lang ka pamilok nawagtang ang iyang hinaguan sa gawas sa nasud.Walay butang nga nasalbar human naugdaw ang tibook compound nga gilangkoban sa laing napulo ka pamilya nga nag arkila sa iyang apartment type nga mga gambalay.
