Kinasuhan eon ru suspek nga nag takaw it naka park nga motorsiklo sa prente it Aklan Provincial Hospital sa banwa it Kalibo.
Kasong pag-eabag sa Republic Act 10883 o Anti Carnapping Law ru suspek nga si Eric Sapelleno, 18 anyos ag residente it Brgy. Agcawilan, Lezo.
Kita sa CCTV footage nga gin haw-as ru motorsiklo sa maeobog nga suba it mga kapulisan ag pilang ka mga residente matapos itagbong it suspek.
Kun matandaan, tinakaw it suspek ru motorsiklo samtang ru tag-ana hay naga bisita sa sangka pasyente sa sueod it hospital.
Apang pagbalik it tag-ana nga si Hajie Lomugdang, 41 anyos it Brgy. Camanci Norte Numancia hay uwa eon ru anang motorsiklo.//MARIVIC Y. ILIN
