Inihayag ng dalawang presidential candidates na sina Faisal Mangondato at Dr. Jose Montemayor Jr., na dekada nang nangyayari ang extrajudicial killings sa bansa.
Sa ikalawang bugso ng presidential debate na inorganisa ng Commission on Elections (Comelec), sinabi ni Mangondato na daan-daang libong buhay ang nawala sa Mindanao dahil sa EJK, nang hindi man lang nalalaman sa Maynila ang pangyayari.
Dagdag ni Mangondato, na para labanan ang krimen, kailangan katigan ang human rights at due process.
Para naman kay Montemayor, walang duda umano na nangyayari ang EJK bansa, at hindi na kailangan ng malalimang imbestigasyon para lang makumpirma ito.
Patutsada ni Montemayor, hindi na naoobserbahan ngayon ang due process, at ang human rights violation ng gobyerno at kaliwa’t-kanan na. //MHEL PACIA-TRINIDAD
