GIKUMPIRMA sa tigpamaba sa Comelec Region 12 nga adunay gimugna nga Takforce Kontra Bigay alayon sa May 9, 2022 elections.
Sa paghinabi sa Brigada kay Atty. Jose Villanueva gikumpirma niini nga aduna nay nigawas nga impormasyon gikan sa Comelec Central Office ilaha nalang gina-atangan ang guidelines may kalabotan niini.
Unang higayon daw kini nga nagmugna ang Comelec ug susamang task force aron batukan ang nagahimo sa pagpamalit og boto kon vote buying ug vote selling atol sa election.
Ang gahum daw sa task force nga dili na sila maghulat sa reklamo sa kinsa man, kondili mamahimo na sila mismo ang magpasaka og kaso nga ginatawag ‘moto propio.’
Posible matud pa nga maapil dinhi ang nagasaad sa botante og bayad nga salapi kon botaran o unsa man nga benipisyo kon makadaug sa May 9 national and local elections.
Ang mangulo sa task force ang bag-ong gi-appoint ni Pangulong Rodrigo Duterte nga commissioner nga si Aimee Ferolino.
Sa karon ginahulat lang daw sa mga local Comelec officers ang guidelines sa gihimong task force. I Ver Diazon
