Ginaasahan nga mabaskog pa ro turismo sa isla it Boracay bangud sa mga foreign holidaymakers makarang tag-init.
Base sa pinakaulihi nga report, may nag-abot nga 1,732 foreign tourists sa isla halin Marso 1 hasta 24, 2022. Kaabuan dikara hay naghalin sa United States, United Kingdom, France, Canada, Singapore, ag Korea.
Naging mabahoe nga bulig man sa pagbaskog it lokal nga ekonomiya ro pagtaas it mga numero it mga domestic tourists sa Boracay nga nagaabot sa 111,022.
Sa presente, uwa pa it ginapatuman nga curfew sa bieog nga isla.
Samtang, ginturn-over eun it Department of Tourism region 6 ro “It’s More Fun in the Philippines” program sa Malay Association of Sailing Boat Owners, Inc. Multi-Purpose Cooperative agud makabulig sa pagkumbinse it mas maabong mga turista./JIL B. LACSON
