LEGAZPI CITY – Itinuturing ngayon na isang milestone achievement sa larangan ng agrikultura ang agricultural development sa lalawigan ng Albay.
Sa ideya ng Provincial Engineer’s Office na modern engineering, ang lalawigan ay nakagawa ng modernong mga imprastrakturang pang-agrikultura, sa Albay Farmers Bounty Village, Barangay Cabangan sa bayan ng Camalig.
Ang pasilidad ay itinuturing na isang one-stop-shop agricultural complex at kabilang sa proyektong ito ang mga sentrong pang-agrikultura, processing facilities, farm school at mga laboratoryo.
Layunin nitong hikayatin ang mga magsasaka na matuto ng mga makabagong paraan sa pagsasaka at maipakita ang mga pinakamahusay na teknolohiya sa agrikultura.
