Ku kan-o eamang, ginlunsar it Bureau of Jail Management and Penology (BJMP) Aklan sa Barangay Nalook, Aklan ro “Oplan Galugad.”
Ro sorpresa nga operasyon sa mga presuhan hay ginhiwat agud subaybayan ag malikawan ro pagsueod it mga iligal nga droga, mga ginabawae nga bagay, ag mga drug paraphernalia sa mga detention cell.
Sa report, uwa it mga kontrabando ag bladed weapons ro nakumpiska sa mga preso.
Samtang, 28 ka mga persons deprived of liberty (PDLs) man ro nagpaidaeom sa random drug testing. Tanan nakaangkon it negatibo nga resulta sa mga ginabawae nga bueong.
Sa presente, ro BJMP jails hay may suoed nga 138 persons deprived of liberty (PDL) sa male dormitory ag pitong PDLs sa female dormitory./JIL B. LACSON
