GIPANGANDAMAN nang daan sa lokal nga panggamhanan ning syudad sa Davao ang mamahimo unyang resulta sa election campaign ug sa mismong adlaw sa piniliay, ilabi na sa paghipos sa mga basura
Tungod niini gikatakdang magpagawas og executive order sa musunod nga adlaw ang kagamhanan aron manduan ang mga kandidato nga tanggalon dayon ang mga campaign paraphernalia liwas sa May 9, 2022 elections.
Kalakip niini ang pagmando usab sa tanan mga local candidates nga magmugna og kaugalingon nga “cleanup teams” aron maoy mangunay sa pagbaklas sa mga banner, tarpaulins, ug ubang campaign materials.
Gilauman sa City LGU nag mosamot pa kadaghan ang gipakatag karong mga election campaign paraphernalias sa pagsugod sa pagkampanya sa mga lokal nga kandidato karong adlawng Biyernes Marso 25 hangtud May 7 kasamtangang tuig.
Una nang gikabalaka sa Interface Development Intervention for Sustainability kon IDIS ang dakong kadaot sa kinaiyahan, kasapaan ug kadagatan nga hatud sa mga basura nga mamugna gikan sa mga materyales nga gigamit sa mga mikandidato sukad gisugdan ang national campaign sa milabayng Pebrero 8, kasamtangan nga tuig.BNFM-DAVAO
